Megjithëse Meghan Markle dhe Princ Harry janë larguar nga familja mbretërore prej pesë vitesh, mbreti Charles III ende mban me krenari kujtime nga dasma e djalit të tij të vogël. Gjatë festës së Krishtlindjes në Clarence House, një foto ku ai e shoqëronte Meghan-in drejt altarit u pa e vendosur në sfond.
Fotografia bardh e zi, e vendosur në një kornizë, qëndronte mbi një tavolinë pranë një portreti familjar nga pagëzimi i princ Louis në vitin 2018, ku shfaqen Kate Middleton, princ William, princ George, princeshë Charlotte, si edhe duka dhe dukesha e Sussex.
Mbreti Charles, siç dihet, mori vendin e babait të Meghan-it, Thomas Markle, në dasmën e saj të vitit 2018 me princ Harry, pasi ai nuk mundi të ishte i pranishëm për shkak të problemeve shëndetësore. Ceremonia madhështore u mbajt në kishën e Shën Gjergjit.
“Vajza ime duket e bukur dhe shumë e lumtur,” tha Thomas asokohe për një media. “Do të doja të isha aty dhe u uroj gjithë dashurinë dhe lumturinë.”
Javën e kaluar, thuhet se Meghan i dërgoi ngushëllimet e saj të atit, pasi u bë e ditur se atij iu amputua këmba. Thomas vazhdon të jetë në kujdes intensiv në Filipine, pasi një mpiksje gjaku i ndërpreu qarkullimin dhe kërkoi një ndërhyrje shpëtimtare.
Meghan u distancua nga i ati pak para dasmës së saj me princ Harry-n në vitin 2018. Ajo e akuzoi atë se e kishte gënjyer lidhur me komunikimet me mediat, pas raportimeve se ai kishte inskenuar fotografi për paparacët (ai kërkoi falje në vitin 2021, pasi konflikti i tyre u diskutua gjatë intervistës së Meghan-it te Oprah).
-
-
-
-
-
Rikthimi në aktrim pas 8 vitesh: Detaje nga roli i Meghan Markle
6 Nëntor, 19:38
