Andrea Swift mund të jetë një ndër arsyet kryesore pse Taylor Swift vendosi t’i jepte një shans Travis Kelce-s. E gjitha kjo ndodhi pasi pa episodin viral të podcast-it “New Heights”.
Në atë episod Travis përshkroi një përpjekje të dështuar të para pak kohëve, për t’i dhënë numrin e tij të telefonit Taylor-it gjatë një koncerti të saj.
Kaq mjaftoi dhe mamaja e këngëtares, filloi hulumtimet. I ranë në sy shumë tituj që qarkullonin mbi një interes të mundshëm të Travis-it ndaj vajzës së saj.
Kandidati i mundshëm iu duk goxha i ëmbël, aq sa vendosi të telefononte kushëririn e saj, të cilin e konsideron një “ekspert” të ekipit të NFL-së nga Missouri, për të mësuar më shumë rreth tij.
Kërkimet nuk e zhgënjyen, madje i rritën dëshirën për të bërë pak kupidin. Pritshmëritë u rritën akoma edhe më shumë pasi mësoi se dhëndri i mundshëm kishte një marrëdhënie shumë të mirë me mamanë e tij.
Mamaja e Taylor nuk qëndron shumë larg tonave. Ajo i lëvizi disa gurë që vajza e saj ta konsideronte pretendentin e ardhshëm.
“Unë thashë me vete: Tani, si do ta bind atë ta takojë?”
E po, nga mënyra se si u zhvilluan gjërat mes tyre, mund të themi se Andrea është më e lumtura nga të gjithë që kjo marrëdhënie po kurorëzohet.
Taylor Swift dhe Travis Kelce nisën lidhjen e tyre në korrik 2023, ndërsa në gusht ai i propozoi për martesë. Çifti u fejua gjatë verës së këtij viti dhe pritet të martohen në qershor.
