Marcella Hill është një Tiktok-er që zakonisht e përdor platformën për të ndarë këshilla shëndetësore, por kësaj radhe ajo shokoi ndjekësit kur zbuloi një sekret tronditës: Hill dhe bashkëshorti i saj kanë lidhje gjaku.

Mesa duket, ajo është martuar “rastësisht” me kushëririn e saj.

“Nuk e kam thënë kurrë publikisht se jam martuar me kushëririn tim”, ndan Hill në një video tashmë virale.

Gjejeni pak si e zbuluan këtë? Teksa po kërkonin për një emër bebi duke përdorur pemën familjare të njëri-tjetrit. Po, ajo ishte shtatzënë!

Si fillim, ata menduan se ishte rastësi që gjyshërit dhe stërgjyshërit kishin mbiemra të njëjtë. Pastaj, bënë më shumë kërkime dhe zbuluan se gjyshërit e njëri-tjetrit ishin kushërinj të parë.

Më pas, të dy telefonuan gjyshërit përkatës për t’i pyetur dhe sigurisht, ata konfirmuan se e njihnin njëri-tjetrin.

Pra, përveçse të martuar, ata janë edhe kushërinj të tretë.

Në komente, përdoruesit e TikTok qeshën së bashku me Hill, duke e lehtësuar situatën.

Të tjerë, megjithatë, menduan se është e çuditshme që gjyshërit nuk janë takuar, të paktën në dasmë ose raste të tjera të veçanta.

Duket se përdoruesja e TikTok nuk e ka problem ta thotë historinë, por gjithsesi, për shumë njerëz, më shumë sesa për të qeshur, ishte shokuese.