Kim jep detaje për diagnozën e aneurizmës në tru: “Ka qenë aty prej vitesh”

Kim Kardashian/ Instagram

Aneurizmi që mjekët gjetën në trurin e Kim Kardashian, mesa duket nuk është i ri. Në episodin e ri të “The Kardashians”, i publikuar më 20 nëntor, Kim, 45 vjeç, e cila më parë i tha motrës së saj, Kourtney, se mjekët kishin zbuluar aneurizmin që prej vitesh qëndronte në trurin e saj.

“Bëra një skanim Prenuvo* dhe ata më telefonuan sot dhe më thanë: ‘Çdo gjë duket shumë mirë. Por ke një aneurizëm në tru,’” i tha Kim Kourtney-t. “Ata më thanë: ‘Ka qenë aty prej vitesh. Edhe disa vite më parë ishte po aty.’”

Një skanim Prenuvo është një rezonancë magnetike e plotë e trupit që shërben si mjet proaktiv për të identifikuar sëmundjet ose problemet shëndetësore në faza të hershme.

Pasi foli me mjekun, Kim tha se telefonoi neurokirurgun Keith Black. “I dërgova një foto të skanerit dhe ai më tha: ‘Dua të vish të bëjmë të gjitha imazheritë e nevojshme.’ Dhe pastaj e pyeta: ‘A mund të pres? Se çfarë e bën të plasë?’ Dhe ata më thanë: ‘Vetëm stresi.’”

Duke pasur parasysh periudhën shumë stresuese që po kalonte, ku po studionte për provimin e jurisprudencës, pritja nuk dukej si opsioni më i mirë. Në një fjalim në kamera, Kourtney tha:

“Jam me të vërtetë e shqetësuar për Kim. Ajo ka aq shumë gjëra, punën dhe katër fëmijët dhe s’dua që të pësojë një aneurizëm, sigurisht.”

Në 2023, Kim publikoi në Instagram për këtë skaner “që të shpëton jetën”, duke sqaruar se nuk ishte reklamë, por thjesht një mesazh informues, duke thënë se “me të vërtetë u kishte shpëtuar jetën disa miqve të saj.”

Pasi diagnoza e aneurizmës u zbulua për herë të parë në episodin e parë të sezonit 7, Kim ndau një përditësim për shëndetin e saj gjatë një interviste në “Good Morning America”.

“Do ta shihni në episodin tjetër, shkova dhe bëra një tjetër skanim Prenuvo. Dhe pastaj më duhej të bëja shumë skanime të tjera të trurit në Cedars[-Sinai] me të gjithë ekipin,” i tha ajo moderatores Robin Roberts muajin e kaluar.

Ajo inkurajoi ndjekësit të “ndiqnin episodet” për të parë zhvillimet, por premtoi: “Çdo gjë shkon mirë.”

“Është thjesht një masë e mirë parandaluese! Sigurohuni që gjithmonë të kontrolloheni. Shëndeti është pasuri, dhe duhet të jeni të kujdesshëm me çdo gjë që bëni”, theksoi ajo.