Jennifer Garner ka bërë së fundmi disa komente mbi divorcin e saj nga Ben Affleck, duke zbuluar se pjesa më e vështirë e ndarjes ishte shpërbërja e familjes dhe humbja e një “partneriteti të vërtetë”.
Aktorja foli për revistën Marie Claire rreth vëmendjes mediatike që shoqëroi divorcin e tyre në vitin 2015 dhe vështirësive të të qenit vazhdimisht nën syrin e publikut.
“Nuk më shërben aspak të ndjek thashetheme për veten apo për të tjerët, aq më pak kur përfshihen fëmijët e mi, ndaj nuk e bëj,” u shpreh ajo. “Duhet të jesh i zgjuar për të kuptuar çfarë mund dhe çfarë nuk mund të përballosh. Unë nuk mund ta përballoja atë që qarkullonte. Por ajo nuk ishte pjesa më e vështirë.”
Sipas Garner, dhimbja e vërtetë ishte vetë ndarja:
“E vështira ishte shpërbërja e familjes. Humbja e një bashkëudhëtari dhe miqësie të vërtetë ishte ajo që dhembte më shumë.”
Jennifer Garner dhe Ben Affleck qëndruan të martuar për 10 vite dhe kanë tre fëmijë. Divorci u finalizua në tetor të vitit 2018.
Pas ndarjes, ajo ka vijuar jetën e saj me partnerin John Miller, por ka ruajtur një marrëdhënie të afërt me Ben Affleck për hir të fëmijëve. Ajo është parë shpesh në aktivitete familjare me ish-bashkëshortin dhe madje ka qëndruar pranë tij edhe gjatë divorcit nga Jennifer Lopez në vitin 2024.
Një burim i afërt ka treguar se lidhja mes Ben Affleck dhe Jennifer Garner do të mbetet gjithmonë e fortë për shkak të historisë së përbashkët dhe prindërimit.
-
-
-
-
-
-
Ben Affleck, Jennifer Garner dhe Jennifer Lopez shfaqen së bashku
16 Dhjetor, 10:31
