Instagram/Hailey dhe Justin Bieber

Mes thashethemeve për ndarje, që po qarkullojnë prej kohësh për çiftin Bieber, të cilët u bënë prindër të një djali para 10 muajsh, Hailey duket se ka zgjedhur të tregojë versionin e saj, në njkë mënyrë mjaft të rafinuar.

Në një video të shpërndarë në Instagram Story, Hailey shfaqet duke aplikuar një nga produktet e markës të saj në buzë, me ndihmën e një pasqyre të vogël nga koleksioni i limituar.

Detaji që nuk kaloi pa u vënë re? Unaza e saj e martesës ndodhej ende në gisht.

Ky reagim në dukje i rastësishëm, vjen vetëm pak ditë pasi Hailey u fotografua pa unazën e martesës dhe pa Justin-in në krah.

Nga ana tjetër, vetë këngëtari i hitit “Sorry” nxiti edhe më shumë thashethemet, pasi postoi në Instagram një foto nga një avion, shoqëruar me një ikonë zemre të thyer.

Çifti, që janë martuar në vitin 2018, janë përballur me pretendime të përsëritura për ndarje. Më herët, Hailey ka komentuar se si ndikojnë të tilla lajme tek ajo.

“Që nga dita e parë, njerëzit më kanë bërë të ndihem keq për marrëdhënien time,” rrëfeu ajo korrikun e kaluar. 

“‘Oh, po ndahen. E urrejnë njëri-tjetrin. Do divorcohen.’ 

Duket sikur njerëzit nuk duan të besojnë që jemi të lumtur.”

Hailey shtoi se përballja me gjithë këtë zhurmë publike nuk bëhet më e lehtë me kalimin e kohës.

“Më përpara përpiqesha të shtiresha sikur nuk më lëndonte aq shumë,” shtoi ajo.

“Mendoja se me kohë njeriu mësohet, se kështu do të flasin gjithmonë dhe kështu do të sillen. Por e kuptova që, në të vërtetë, nuk dhemb më pak edhe pse koha kalon.”