Ka zëra të reja nga çifti më i komentuar i Hollywood-it dhe nuk duken aspak rozë.
Sipas një raportimi nga The Sun, Hailey Bieber është “jashtëzakonisht e tërbuar” me bashkëshortin e saj, Justin Bieber, pas disa postimeve të paqarta që këngëtari ndau në rrjetet sociale për Ditën e Babait. Një burim pranë çiftit thotë se Hailey i ka thënë troç Justin-it të "mos të sillet si një fëmijë i mallkuar" dhe i ka kërkuar me ngulm të largohet nga Instagram-i për një kohë.
“Ai postim e trazoi shumë – i tha që ishte një nga gjërat më idiote që ka bërë ndonjëherë, si t’u hidhje mish të gjallë luanëve të uritur,” tha burimi.
“Ajo po përpiqet ta ndihmojë, por ai vetëm e mbyll veten. Ajo është shumë e mërzitur që Justin po ndan me botën momentet e tij më të errëta dhe më të dobëta në publik. S’e aprovon fare. I duket një vendim idiot. Ajo mendon se ai po e fundos veten.”
Sipas burimit, Hailey e ka “lutur” që të qëndrojë larg rrjeteve sociale, të tërhiqet për pak, të përqendrohet në shëndetin mendor, por Justin vazhdon të bëjë siç do vetë. Dhe kjo e lë Hailey-n me ndjesinë se është lënë mënjanë nga çdo vendimmarrje.
“Është thyer përbrenda duke e parë kështu,” shton burimi. “Ndjen që ai po sillet si adoleshent, duke menduar se postimet online do ta zgjidhin problemin.”
As Hailey, as Justin nuk kanë reaguar publikisht për situatën, ndaj merreni me një grimë kripë këtë informacion, siç thonë dhe anglishtfolësit.
Burimi: Cosmopolitan
