Futbollisti i Egnatias, Raphael Dwamena, ndërroi jetë në fushë, në mes të lojës kundër Partizanit, pasi pësoi një arrest kardiak. Ai ra pa ndjenja në fushë, ndërsa iu dha menjëherë ndihma e parë.
Raportohet se sulmuesi 28-vjeçar prej vitesh kishte probleme me zemrën dhe se ishte këshilluar që të tërhiqej nga futbolli. Sipas Klan, problemet e tij me zemrën ishin konstatuar qysh prej vitit 2017.
Futbollisti ganez kishte pësuar edhe 2 sulme në zemër, një në tetor të vitit 2019 dhe një tjetër sërish në një ndeshje të Kupës, ku u shtrua menjëherë në spital.
Në sulmin e tretë në zemër, ai u dërgua menjëherë në spitalin e Kavajës, por nuk ia doli dot të mbijetonte. Sipas mjekëve, ai kishte mbërritur në spital pa shenja jete.
Raphael e donte jetën dhe mendonte se ajo është dhurata më e çmuar që ai ka. Në një video që po qarkullon online, për ditëlindjen e tij, ai shprehej: “Dhurata më e bukur për ditëlindje është që po jetoj. Kjo është gjëja më e rëndësishme. Shumë njerëz nuk janë këtu mes nesh dhe janë ndarë nga jeta. Gjëja më e bukur që Zoti më ka dhënë është jeta”.
View this post on Instagram
Ai lindi më 12 shtator 1995 në Ganë dhe ishte një futbollist i apasaionuar dhe i talentuar. Përpos se në Shqipëri, ai kishte luajtur edhe në Austri, Zvicër, Danimarkë e Spanjë.