Selena Gomez dhe një grup shoqesh u nisën drejt Cabo San Lucas fundjavën që lamë pas për të festuar atë që përflitet si festa e saj e beqarisë, përpara dasmës me të fejuarin Benny Blanco. Ato u fotografuan të premten, më 23 gusht, duke shijuar ditën në një jaht luksoz.
Grupi i vajzave u pa duke kërcyer, duke bërë selfie dhe duke qeshur bashkë. Në një nga fotot, Selena shfaqet ulur buzë jahtit, teksa merr rreze dielli.
Nusja e ardhshme kishte veshur rroba banje të zeza, pa rripa, dhe syze dielli, ndërsa më vonë u pa me pantallona të bardha lounge teksa shëtiste në qytet.
Ndërkohë që Gomez, 33 vjeç, po festonte në Meksikë, Blanco, 37 vjeç, ndodhej në Las Vegas, në atë që duket të ketë qenë festa e tij e beqarisë. Ai ndau disa momente nga udhëtimi përmes Instagram Stories.
Në një nga fotot, ai shfaqej me një robdishan spa-je, me përshkrimin: “vendi më shërues në tokë.” Ai gjithashtu publikoi foto duke ngrënë kaviar dhe ulur në një tryezë të madhe plot me ushqime.
Në një tjetër foto, që tregonte tryezën plot ushqime, ai shkroi: “Këtë fundjavë nuk do ta harroj kurrë,” duke etiketuar edhe Resorts World Las Vegas.
Sipas një burimi për revistën PEOPLE, dhëndri i ardhshëm ishte i pranishëm në klubin XS në Wynn Las Vegas, të shtunën më 23 gusht, deri rreth orës 2 të mëngjesit. DJ Marshmello ishte artisti kryesor i mbrëmjes dhe Blanco realizoi një foto me të. Në grupin e tij ndodhej edhe miku i ngushtë, Lil Dicky.
Benny Blanco i propozoi Selenës në dhjetor, pasi çifti kishte më shumë se një vit që ishin në një lidhje. Gomez ndau lajmin e bukur në Instagram, me përshkrimin: “Përgjithmonë nis tani,” duke publikuar foto të unazës dhe përqafimit me partnerin.
