Ndërsa kriza humanitare në Rripin e Gazës përkeqësohet, gratë po raportojnë se janë shfrytëzuar seksualisht nga burra të ndryshëm, disa prej të cilëve dyshohet se janë të lidhur me organizata humanitare, në këmbim të ushqimit, parave, ndihmës mjekësore ose punës.
Gjashtë gra i përshkruan përvojat e tyre Associated Press, të gjitha në kushte anonimiteti për shkak të frikës nga hakmarrja nga familjet ose burrat që iu afruan atyre, por edhe për shkak të stigmës sociale që rrethon ngacmimin dhe abuzimin seksual në shoqërinë palestineze.
Sipas dëshmive, burrat që iu afruan, shfrytëzuan nevojën e tyre të dëshpëruar për ndihmë, duke u ofruar ndihmë në këmbim të raportit seksual. Disa raste përfshinin premtime të rreme për punë me organizata humanitare, akuza për marrëdhënie seksuale nën presion ose shantazh, si dhe telefonata abuzive që kërkonin foto dhe akte seksuale.
"Doja të largohesha që andej"
Njëra nga gratë tha se një burrë që i premtoi një punë në një organizatë ndihmash e çoi në një apartament bosh, jo në një zyrë siç i kishin thënë, dhe i kërkoi të hiqte shaminë. Ajo përshkroi se ndihej e frikësuar dhe e turpëruar, dhe përfundimisht "u dorëzua" që të mund të largohej. Pastaj ai i dha para dhe furnizime, por puna për të cilën kishte folur fillimisht nuk erdhi deri disa javë më vonë.
Nëna 38-vjeçare me gjashtë fëmijë, burri i së cilës ishte larg për shkak të luftës dhe biznesi i tyre ishte mbyllur, përshkroi se si, një muaj pasi filloi lufta, një burrë i premtoi asaj një punë me kontratë gjashtëmujore me një organizatë humanitare.
"Ai më komplimentoi dhe më tha të hiqja shaminë", tha gruaja për momentin kur ai e çoi në apartament, ku supozohej të flisnin për punën që ai do t'i ofronte. Më tha se më donte dhe se nuk do të më bënte presion, por nuk do të më linte të largohesha ."
Gruaja pranoi se pasi ajo u përpoq të largohej, ai e pengoi dhe kreu marrëdhënie seksuale, por nuk pranoi të jepte detaje, duke thënë se ndjente "frikë dhe turp".
Burri i dha asaj 100 shekele (rreth 25 euro) para se të largohej, dhe dy javë më vonë i solli një kuti me ilaçe dhe një kuti me ushqime. Puna, megjithatë, nuk erdhi shumë shpejt.
"Në fillim më pyeste gjëra të thjeshta: çfarë i ndodhi burrit tim, sa fëmijë kam. Por pastaj filloi të pyeste: 'Çfarë lloj të brendshmesh ke veshur? Si të kënaqi burri yt?'"
Një grua e ve 35-vjeçare me fëmijë raportoi se një burrë i veshur me uniformë të UNRWA-s (Agjencia e Kombeve të Bashkuara për Ndihmë dhe Punë për Refugjatët Palestinezë) i mori numrin e telefonit ndërsa ajo po priste për ndihmë në zonën Muëasi , e cila është përcaktuar nga Izraeli si zonë humanitare.
Disa ditë më vonë, ajo filloi të merrte telefonata natën vonë.
“Në fillim ai më pyeste gjëra të thjeshta: çfarë i ndodhi burrit tim, sa fëmijë kam. Por pastaj filloi të pyeste: ‘Çfarë lloj të brendshmesh ke veshur? Si të kënaqi burri yt?’”
Në njërën nga telefonatat, ai i kërkoi asaj të vinte në shtëpinë e tij për seks. Ajo refuzoi dhe përfundimisht ia bllokoi numrin.
Gruaja thotë se i bëri një ankesë verbale UNRëA-së në Gaza, por iu kërkua të paraqiste prova audio, të cilat nuk mundi t’i jepte për shkak të një telefoni të vjetër. UNRWA u përgjigj me email se ka një politikë zero tolerance ndaj shfrytëzimit seksual dhe se ankesat merren seriozisht pa kërkuar prova, por nuk do të komentonte për rastin specifik.
Një nënë 37-vjeçare me katër fëmijë raportoi se një menaxher strehimoreje i ofroi ushqim dhe strehim me kusht që të shkonin "diku së bashku ". Gruaja e kuptoi që oferta ishte e natyrës seksuale dhe refuzoi.
Gra të tjera thanë se u janë afruar burra, të cilët ua kanë marrë numrat e telefonit si pjesë e procesit të ofrimit të ndihmës, gjë që është e zakonshme. Ato thanë se më vonë kanë marrë telefonata me ngacmime seksuale, kërkesa për foto dhe madje edhe propozime të drejtpërdrejta për martesë.
Pse nuk e denoncoi: "Do të thoshin se po e them vetëm për të gjetur një punë"
Rrjeti PSEA (Mbrojtja nga Shfrytëzimi dhe Abuzimi Seksual) , në të cilin merr pjesë edhe UNRWA, konfirmoi se në vitin 2024 u regjistruan 18 ankesa për abuzim ose shfrytëzim seksual në lidhje me ofrimin e ndihmës humanitare në Gaza.
Rastet përfshijnë punonjës në organizata humanitare ose individë bashkëpunues, siç janë vullnetarët ose kontraktorët. Hetimet për incidente të tilla kryhen nga punëdhënësit e të akuzuarve dhe nuk janë bërë publike të dhëna se sa raste janë nën hetim.
