Kur bëhet fjalë për Justin Trudeau dhe Katy Perry (pra, çiftin më të papritur të vitit 2025), burimet nuk bien dot dakord se çfarë po ndodh mes tyre.
Të dy janë parë së fundmi në atë që dukej qartë si një takim darke dhe më pas Justin u shfaq në koncertin e Katy-t, ku kaloi gjithë kohën duke kërcyer krejt i vetëm.
Justin Trudeau singing along to “Firework” at Katy Perry’s Lifetimes Tour. pic.twitter.com/tIqHs4Psfa
— Pop Crave (@PopCrave) July 31, 2025
Pra, çfarë po ndodh në të vërtetë? Javën e kaluar, burime thanë qartë se ishin në një takim. Por këtë javë, një burim për The Daily Mail thotë se ndërsa Katy e konsideroi një takim, Justin e pa thjesht si një “darkë mes miqsh” dhe “ndihet pak i befasuar nga gjithë kjo situatë.” Madje, sipas burimit, “Ai donte thjesht bileta për koncertin e saj dhe ajo e ftoi. Më pas, ajo e ftoi edhe për darkë.”
Kjo bie ndesh me atë që një tjetër burim tha së fundmi për The Sun. Sipas tyre, “ata kanë një kimi të fortë deri tani” dhe “kanë në plan të shihen përsëri shumë shpejt”. Personi anonim tha se Justin e ftoi vetë Katy-n në takim dhe ishte shumë i emocionuar për këtë. Madje, shtoi se “ai ndihet sërish si një çun i ri” dhe është “shumë i entuziazmuar nga ajo që po ndodh.”
Për më tepër, i njëjti person tha se “Justin dëshiron ta njohë më mirë Katy-n dhe të shohë si do të ecë raporti”.
Sa i përket famës së Katy-t, ai “nuk ka frikë nga fakti që ajo është një superyll dhe gjithë vëmendja që kjo sjell.” Gjithashtu, ata theksuan se “Justin nuk është tipi i burrit që kapet kollaj” dhe se që nga ndarja me bashkëshorten, “shumë gra kanë tentuar të dalin me të.”
E po, s’e dimë fare se ç’po ndodh…
