Pas vitesh pritjeje, më në fund për ndjekësit e serialit u publikua data dhe traileri. Sezoni i tretë i “Euphoria” rikthehet zyrtarisht më 12 prill 2026, katër vite pas publikimit të sezonit të dytë.
Për çfarë do të flasë sezoni 3?
Trailer-i i parë zyrtar i sezonit të ri u jep fansave një ide të qartë se ku po shkon historia. Deri tani kemi mësuar se:
Në fillim të sezonit, Rue ndodhet në Meksikë, e zhytur në borxhe ndaj Laurie-t. Cassie jeton në periferi me Nate-in, të fejuar dhe ajo e varur nga rrjetet sociale. Jules është në shkollë arti, Maddy punon në një agjenci talentesh në Hollywood, ndërsa Lexi është asistente e një producenteje shumë të madhe televizive të interpretuar nga Sharon Stone.
Me pak fjalë: jemi të gjithë të fiksuar ndaj asaj që po vjen.
View this post on Instagram
Do të ketë yje të ftuar
Sipas Deadline, sezoni i tretë i “Euphoria” do të përfshijë një numër të madh yjesh të njohur, në atë që mund të jetë sezoni i fundit i serialit. Rosalía i bashkohet kastit, së bashku me aktorin Kadeem Hardison dhe kampionin e Super Bowl-it, Marshawn Lynch.
Cilët aktorë do të rikthehen?
Me njoftimin e datës së xhirimeve, HBO konfirmoi rikthimin e të gjithë kastit kryesor, përfshirë Zendaya, Hunter Schafer, Alexa Demie, Sydney Sweeney dhe Jacob Elordi.
Aktorë të rinj përfshijnë Danielle Deadwyler, Natasha Lyonne, Eli Roth dhe Trisha Paytas, si dhe shumë emra të tjerë.
Sezoni 3 e lë përfundimisht pas shkollën e mesme dhe fokusohet te jeta pas diplomimit.
Sipas regjisorit, Sam Levinson, kjo ishte zgjedhja më e mirë që mund të bëhej pas vitesh pritjeje.
Burimi: Harper's Bazaar
-
‘Euphoria’: Gjithçka duhet të dini për sezonin e tretë
23 Shkurt, 13:55
