Gjatë një interviste për "Entertainment Tonight", ndërsa promovonte serialin e ri, Ashton Kutcher, nuk i ka kursyer komplimentet ndaj performancës së ish-bashkëshortes, Demi Moore, në filmin "The Substance".
“Dua të them, së pari, performanca e Demi-t në "The Substance" ishte e jashtëzakonshme. Ajo mori vlerësime të mëdha dhe jam shumë krenar për të, e realizoi në mënyrë të shkëlqyer.”
Ky kompliment erdhi pasi ET i vuri në dukje se projekti i tij po krahasohej shpesh me filmin e aktores.
Demi Moore dhe Ashton Kutcher e nisën lidhjen e tyre në vitin 2003 dhe u martuan dy vite më vonë. Në nëntor të vitit 2011 ata njoftuan ndarjen.
Edhe pse aktorja pretendoi disa vite më parë se Ashton Kutcher e kishte tradhtuar, duket se konfliktet i përkasin së shkuarës dhe marrëdhënia e tyre sot është mirë.
Ndërkohë, në një intervistë në vitin 2020, aktori u shpreh se pas divorcit, ishte përpjekur të qëndronte në kontakt me tre vajzat e saj.
“Po ndihmoja në rritjen e vajzave adoleshente gjatë asaj periudhe. I dua ato. Nuk do të ndal kurrë së dashuri, respektuari dhe mbështeturi që të kenë sukses në çfarëdo që ndjekin,” u shpreh ai.
Aktualisht, Ashton Kutcher është i martuar me Mila Kunis me të cilën ka dy fëmijë.
