Në një video të shpërndarë në TikTok, Reese Witherspoon, paralajmëroi fansat që të mos bien pre e llogarive të rreme që janë krijuar në emër të saj.
“Ka shumë persona në TikTok dhe Instagram që po më imitojnë, dhe ata u shkruajnë njerëzve mesazhe, përpiqen të krijojnë një marrëdhënie, të nxjerrin informacione personale dhe të planifikojnë takime. Dua ta dini se kjo nuk jam unë dhe është shumë shqetësuese që njerëzit do të përdornin emrin tim për të manipuluar të tjerët, por dua ta dini se unë kurrë, kurrë nuk do t’ju manipuloja. Nuk do t’ju kontaktoja kurrë për para, për informacione private apo për të organizuar një takim,” u shpreh aktorja.
Më tej, ajo kërkoi prej ndjekësve të ishin të kujdesshëm dhe të siguroheshin nëse llogaritë që ndiqnin ishin të verifikuara paraprakisht.
“Nëse dikush po ju shkruan, kjo nuk ndodh vetëm me mua. Kjo po ndodh kudo, por më shqetëson jashtëzakonisht fakti që po ndodh në një shkallë kaq të gjerë. Ju lutem, bëni kujdes dhe dijeni se unë kurrë, kurrë nuk do t’ju kontaktoja për t’ju manipuluar apo për t’ju marrë diçka,” e përfundoi videon ajo.
@reesewitherspoon I would never manipulate you. Please check for verification. ??
? original sound - Reese Witherspoon
Aktorja nuk është e vetmja që po kalon një shqetësim të tillë këto kohë. Sandra Bullock, Johnny Depp dhe Tom Hanks janë disa personazhe të tjerë të famshëm të cilët kanë nxjerrë paralajmërime të ngjashme për fansat e tyre muajt e fundit.
