Nëna e Demi Lovato, Dianna de la Garza, dha intervistën e parë që prej mbidozës së këngëtares këtë korrik. Për Newsmax TV, ajo tha se i përjeton shumë keq ndodhitë e asaj dite.
“E kam ende të vështirë të flas për ç’ndodhi,” tha ajo. “Filloj dridhem kur kujtoj atë ditë.”
Në një ditë si gjithë të tjerat, celulari i Dianna de la Garza po shëprthente me mesazhe dhe telefonata nga miq e të afërm që i uronin Demi-t shërim të shpejtë. Dianna s’e kuptoi ç’po ndodhte deri kur u kontaktua nga asistentja e Demi-t.
“U shokova. S’dija ç’të thoja,” shtoi Dianna. “Ishte diçka që s’prisja ta dëgjoja kurrë, për cilindo nga fëmijët e mi.”
Në telefon, asistentja e Demi-t i tha se këngëtarja ishte e vetëdijshme, por nuk fliste dot për momentin. Aty, Dianna kuptoi se gjendja ishte serioze. Njoftoi motrat e Demi-t, Dallas dhe Madison, dhe u nisën drejt spitalit me urgjencë.
“Nuk dukej mirë. Nuk dukej fare mirë. I thashë, ‘Demi, jam këtu. Të dua.’ Aty m’u përgjigj, ‘Edhe unë të dua.’”
Dianna tha se besimi në Zot e ndihmoi shumë gjatë situatës së vështirë që kaloi.
“Besoj se Demi është gjallë sot e kësaj dite falë miliona lutjeve që u mbajtën në emrin e saj atë ditë,” tha ajo.
