DeaMishel shkoi për t’u bërë bjonde, por ja që e bindën për look-un “nëna natyrë” dhe iu kthye ngjyrës natyrale të flokëve – kafe e hapur. Që prej moshës 14-vjeçare, Dea i ka qëndruar besnike nuancave të bjondes ndaj dhe ky ndryshim ishte i papritur.
“Jo, nuk ka mundësi,” i shkruan një ndjekës/e në Instagram, pasuar nga një tjetër “asgjë nuk ka kuptim tani”.
Të tjerë dyshojnë se është paruke, ndërsa disa janë të mendimit se “Dea ka lindur për të qenë bjonde”.
Sigurisht që sipas pjesës tjetër “Dea mbetet stil ende”, madje “duket më mirë brune” (mendim me të cilin vetë DeaMishel nuk pajtohet).
Ajo na tregoi se vendimi erdhi në një çast “çmendurie”, pasi në ditë normale nuk do të guxonte të ndryshonte flokët. “Do bëhem sërish siç isha; nuk do e kthej në stil jetese.”
