Mungesa e suksesit në takime mund të jetë për shkak të përshtypjes së parë të një personi për ju, sepse shpesh ka gjëra jo të dukshme për të cilat ata po ju gjykojnë pa e kuptuar as ju.

Këtu janë gjërat jo të dukshme mbi të cilat njerëzit ju gjykojnë kur ju takojnë për herë të parë, sipas antropologes biologjike Helen Fisher:

1. Dhëmbët tuaj

"Dhëmbët tuaj tregojnë shumë për sa vjeç jeni  dhe shëndetin tuaj," thotë Fisher. Identiteti juaj dentar tregon moshën, gjininë, nivelin e të ardhurave dhe statusin social. Kërcitja e dhëmbëve, veçanërisht, tregon tipare psikologjike, të stilit të jetesës dhe personalitetit. Për shembull, nëse pini duhan, pini shumë kafe ose nëse keni shumë ankth, zhgënjim ose zemërim në jetën tuaj.

Studimet kanë zbuluar  se njerëzit me dhëmbë më të bardhë perceptohen si të besueshëm, të suksesshëm profesionalisht dhe financiarisht dhe tërheqës. Dhëmbët e verdhë dhe hapësirat "jonormale" mes tyre kanë efekte negative në tërheqje.

2. Gramatika juaj

Nëse “Ai shkoj të takoj vajzën që shikoj”, ju duket një fjali e saktë nga ana gramatikore, kemi lajme të këqija për ju.

Një studim përcaktoi se 75% e meshkujve dhe 88% e femrave preferojnë gramatikën e mirë përpara vetëbesimit; një tjetër zbuloi se burrat ulin shanset e tyre për të dalë në një takim me një grua me 14% kur profilet e tyre të takimeve përmbajnë gabime gramatikore.

Për të rritur shanset për të krijuar një përshtypje të parë të mirë, përmirësoni sa më mirë aftësitë tuaja drejtshkrimore dhe gramatikore.

3. Vetëbesimi juaj

Vetëbesimi juaj tregon shumë për qëndrueshmërinë tuaj emocionale. Mënyra se si ndihemi për veten mund të ndikojë në marrëdhëniet tona. Nëse nuk ndihemi mirë me veten, nuk kemi energji emocionale pozitive për t'u fokusuar te një person tjetër.

Përveç kësaj, kur nuk ndihemi të sigurt, ne u prezantojmë të tjerëve atë version të dobët të vetes. Kjo e bën të qartë për të tjerët se ju nuk ndiheni rehat në lëkurën tuaj dhe potencialisht nuk mund të mbeteni autentikë.

Ne jemi ndërtuar me disa aftësi të veçanta të veprimit të shpejtë që mund të na ndihmojnë kur takojmë dikë për herë të parë. Për shembull, kur nuk jeni të sigurt, mund të kafshoni thonjtë ose të përfshiheni në zakone të tjera të përsëritura dhe mund të shmangni kontaktin me sy, duke bërë të dukeni të shqetësuar dhe të pabesueshëm.

Artikuj të sugjeruar:

Burimi: YourTango