Kylie Jenner ka tani 200 milionë ndjekës në Instagram (që prej të enjtes, 5 nëntor), duke marrë numrin më të madhë të ndjekësve në krahasim me motrat e saj.

Edhe Kim, nga e cila erdhi fillimisht fama e gjithë familjes, tashmë është në vend të dytë me 191 milionë ndjekës. Pas saj vjen Kendall Jenner (141 milionë), Khloe Kardashian (122 milionë) dhe Kourtney (103 milionë).

Ylli i "Keeping Up With The Kardashians" poston kryesisht lajmërimet e fundit në lidhje me kompaninë e saj Kylie Skin & Kylie Cosmetics, foto dhe momente nga vajza e saj Stormi, si dhe postime në lidhje me jetën luksoze që bën.

Pavarësisht famës së madhe, Kylie së fundmi ka treguar se po shpërndan sa vjen e më pak nga personaliteti i saj në rrjetet sociale, që kur nisi të tallej në Internet.

Në një bisedë me YouTuber-in James Charles, ajo pranoi se ka filluar të tregojë “më pak” nga vetja, pas sulmeve që njerëzit i bënë në rrjetet sociale.

Lidhur me përvojën e saj, Kylie u shpreh:

“Ndërsa bëhesha gjithnjë e më e madhe, njerëzit thoshin gjithnjë e më shumë gjëra të kota për atë që unë jam, për personalitetin tim dhe gjërat dua më shumë për veten. Kështu që fillova të bëja më pak, gjë që është e trishtë.”

Kylie është më e reja nga motrat Kardashian-Jenner dhe ka qenë pjesë e “Keeping Up With The Kardashian” që nga viti 2007.

Burimi: Mirror CO UK