Gjatë një interviste për The Daily Mirror, Zendaya foli pak më shumë mbi të fejuarin Tom Holland, jetën e tyre në Londër dhe si ndihej teksa punonte krah aktorit.
"Gjatë xhirimeve, prania e tij më qetëson dhe më bën të ndihem rehat jo vetëm mua, por edhe çdo person tjetër me të cilin punon. Mund të jem pak e njëanshme, por ai nuk është vetëm njeriu me të cilin dua të kaloj jetën, por edhe njeriu im i preferuar për të punuar.”
Në vazhdim, ajo foli mbi mënyrën se si përpiqeshin ta shijonin marrëdhënien, ndërkohë që iu duhej të ruanin privatësinë.
“Asnjëri prej nesh nuk dëshiron të fshihet apo të mos jetojë një jetë normale duke bërë gjëra të zakonshme, siç mund të jetë një e dalë për darkë, por në të njëjtën kohë duam të mbrojmë privatësinë tonë. Duhet ta pranosh që deri diku, disa gjëra nga privatësia jote do të jenë jashtë kontrollit tënd. Por, ato pak gjëra që janë nën kontrollin tonë ne i mbrojmë sa mundemi.”
Historia e dashurisë mes dyshes filloi gjatë xhirimeve të "Spider-Man: Homecoming" në vitin 2016. Në janar të vitit të shkuar, gjatë ceremonisë së "Golden Globes", çifti zbuloi fejesën përmes unazës së diamantit që aktorja mbante në gishtin e fejesës, një detaj që nuk u shpëtoi fansave.
-
-
Truku i flokëve të Zendaya që duhet ta provoni të gjitha
15 Janar, 14:37 -
-
Ja disa detaje që nuk i dinit rreth propozimit të Zendaya-s
7 Janar, 16:14 -
-
Mos vallë Zendaya sapo i tregoi botës që është fejuar?! *.*
6 Janar, 09:46
