Kim Cattrall dhe partneri i saj prej një kohe të gjatë, Russell Thomas, janë martuar. Ylli i “Sex and the City” u martua më 4 dhjetor në Chelsea Old Town Hall në Londër, me vetëm 12 të ftuar, raporton People.
Në fotografitë që ka siguruar media, aktorja, 69 vjeçe, shfaqet me një fustan të bardhë Dior dhe fund tull. Ajo e kishte kompletuar pamjen me doreza Cornelia James.
Russell Thomas, 55 vjeç, kishte veshur një kostum të zi të punuar me porosi nga Richard James me një kravatë të artë.
Çifti shkëmbeu një puthje të ëmbël pas lidhjes së kurorës dhe u panë me adhurim në sytë e njëri-tjetrit ndërsa Kim mbante në dorë një buqetë lulesh.
Ajo u stilua nga dizajnerja e kostumeve të “Sex and the City”, Patricia Field.
Kjo është martesa e katërt e Cattrall. I shoqi i parë ishte Larry Davis, me të cilin ishte u martua në vitet 1977-1979. Më pas u martua me Andre J. Lyon në 1982, por u divorcuan në 1989. I shoqi i tretë ishte Mark Levinson, me të cilin ishte e martuar nga 1998-2004.
Cattrall dhe Thomas, i cili është inxhinier audioje, kanë nisur lidhjen që nga viti 2016.
“Ai ishte fillimisht aktor,” kujtoi ajo në një intervistë për Times në qershor. “Ka pasur një jetë jashtëzakonisht interesante dhe e ka jetuar me rregullat e veta. Ai është pak rebel, gjë që më pëlqen shumë,” shtoi ajo.
Ajo tha se edhe pas një dekade së bashku, marrëdhënia e tyre mbetet e fortë.
Ylli i “Mannequin” e përshkroi inxhinierin si “një shpërthim energjie” me “një sens humori të mprehtë” në një intervistë të vitit 2020. “Jam shumë komode pranë tij,” tha ajo. “Ai është një shpërthim energjie, ka një sens humori të mprehtë dhe është tërheqës fizikisht!”
