Është shpallur vendimi për Mario Perlleshajn, adoleshentin që vrau me thikë bashkëmoshatarin e tij, Martin Cani. Sipas Top Channel, Mario është dënuar me 12 vjet burg për vrasjen e Martinit dhe 10 vite për tentativën e vrasjes së shokut të të ndjerit, Luis Meçja.
Në bashkim të dënimeve, përfundimisht, Gjykata e Lartë vendosi për 16 vjet heqje lirie. Ai u shpall fajtor për rrethana cilësuese ndaj vrasjes së Martinit dhe për vrasje në tentativë karshi Luisit.
Në seancën ku u bë me dije vendimi, morën pjesë i ati i Martinit dhe Luisi.
Martin Cani u vra me thikë, rreth një vit më parë, pranë shkollës “Fan Noli”, pas një konflikti për motive banale.
