Vitin që shkoi, Venera Lumani ishte pjesë e përfaqësimit të Shqipërisë në Eurosong si zë i dytë në këngën “Fairytale” të Eneda Tarifës.
E ftuar në “Fun Day” në “IN Tv”, këngëtarja u shpreh shumë skeptike kur u pyet nëse do të donte të shkonte në Festivalin Evropian të Këngës, si përfaqësuese e Shqipërisë.
“Nuk e di”, tha ajo, “Pikërisht ngaqë e kam provuar, nuk është se më ka lënë një shije shumë shumë të mirë. Prandaj nuk e di, do ta kisha menduar 2 herë.”
Pas komentit të Fatmës se duhet të shkojë Venera që “të çojmë një gjë të hajrit”, këngëtarja u përgjigj se problemi nuk ka qenë tek këngëtarët; ishte organizimi ai që linte për të dëshiruar.
“Të hajrit kanë qenë gjithmonë. Ne si grup, si shtet, duhet të ishim shumë më të organizuar, nëse do të shkosh dhe të lësh diçka të mirë.”
