Teksa bota ende nderon kujtimin e tij, trupi i artistit legjendar Prince është djegur gjatë së premtes në një ceremoni fare të thjeshtë, siç është mësuar të ketë qenë dëshira e tij. Dhe teksa familja e tij është mbledhur në shtëpinë e të ndjerit këtë fundjavë, kunati i tij ka rrëfyer se ylli i muzikës, përpara se të vdiste, kishte kaluar 6 ditë e gjysmë pa gjumë, duke punuar papushim.
Fansa të shumtë kanë rrethuar shtëpinë e Prince, ndërkohë që familjarët e tij janë fotografuar teksa dilnin nga ajo me hirin e artistit në duar, të mbuluar me një xhaketë. Ende nuk dihet cili është vendi ku është hedhur hiri i tij dhe mësohet se ceremonia mortore ka qenë tepër intime, ku prezentë kanë qenë vetëm familjarë dhe miq të afërt.
Që prej ditës së enjte, kur Prince u nda nga jeta në moshë 57-vjeçare, ende nuk është përcaktuar shkaku i vdekjes së tij. Megjithatë, shefi i policisë së kontesë, ka bëre dije se vdekja e tij nuk ka qenë një vetvrasje.
Burimi: Daily Mail/ Përshtati: Kristi Tashi
