Vendosmëria e Luana Vjollcës për të ndjekur ëndrrën më të madhe të saj, këngën, shpesh është përballur me skepticizmin jo vetëm të publikut, por edhe të kolegëve të saj, që nuk kanë nguruar ta bëjnë publik qëndrimin e tyre.
Këtë herë ka qenë Valon Shehu ai që ka këshilluar prezantuesen e “Pa Limit” të merret me prezantimin, sepse nuk është këngëtare.”Luana nuk është këngëtare. Bile edhe t’i thuash të këndojë ‘live’ këngën e saj nga fillimi deri në fund, nuk e bën dot. Për mua një këngëtar që nuk këndon dot këngën e vet nga fillimi në fund, nuk është këngëtar. Nuk do të thotë që nuk është artiste, unë p.sh nuk prezanoj dot,” shprehu këngëtari qëndrimin e tij në fund të intervistës pë "Thumb".
Ai bëri pjesë të kësaj liste edhe Morena Tarakun. Prej kohësh ish-miss Kosova i është futur muzikës, por sipas Valonit, më mirë ‘të qëndrojë në kuadrin e një seks-simboli’.
