Kylie Jenner ka punuar fort për format fizike që ka aktualisht dhe jo, nuk ka përdorur Ozempic. Të paktën kështu thotë e vogla e familjes Kard-Jenner. Kylie adresoi thashethemet mbi përdorimin e Ozempic në intervistën e British Vogue, ku ajo shfaqet në kopertinën për muajin shtator.
*Ozempic nuk është teknikisht ilaç për humbje peshe. Por konsiderohet i sigurt dhe efektiv për diabetin e tipit 2 dhe ju mund të humbni peshë si një efekt anësor i trajtimit. Nëse merrni Ozempic dhe nuk keni diabet konsiderohet përdorim jashtë etiketës dhe potencialisht i rrezikshëm. Efektet anësore më të zakonshme të Ozempic janë: kapsllëk, diarre, të vjella, të përziera, hipoglicemi, sëmundje të fshikëzës së tëmthit, reaksion alergjik etj. Të përzierat dhe dhimbjet e vazhdueshme të barkut janë shumë shqetësuese. Stomaku dhe truri janë aq të lidhur sa problemet e zorrëve mund të shkaktojë stres, ankth dhe depresion. Këto simptoma mund t'i bëjnë njerëzit të ndihen të izoluar, të mbingarkuar dhe në gjendje depresive. Efekte të tjera anësore serioze të Ozempic përfshijnë tumoret e tiroides, pankreatiti, ndryshimet në shikim, hipoglikemi, dështimi i veshkave dhe kancer.
“Jam sërish në peshën që kisha para se të lindja vajzën dhe djalin. Njerëzit më krahasojnë me atë që isha 3 muaj pas lindjes”, tha sipërmarrësja 27-vjeçare.
“Njerëzit harrojnë se kam 2 fëmijë dhe kam fituar 27 kg në të dyja shtatzënitë?”, shtoi Jenner.
Më tej, ajo tha se nuk ka marrë mjaftueshëm empati pasi solli në jetë vajzën Stormi, e cila është 6 vjeç dhe djalin 2-vjeçar, Aire.
“Isha 90 kg kur solla në jetë 2 fëmijë që peshonin 4 kg. Në fund, kur humba peshën që fitova kur isha shtatzënë me time bijë, mbeta shtatzënë 2 muaj më vonë me djalin. Asokohesha ndihesha në formë dhe po stërvitesha. Më pas, ngela shtatzënë dhe e bëra nga e para”, u shpreh ajo.
Kylie e ka risjellë trupin në formën e dëshiruar me pilates dhe ecje, sipas postimeve të saj në Instagram.
Nga ana tjetër, Jenner tha se tanimë që është bërë nënë, nuk kërkon pranimin nga të tjerët. “Shkoj në shtëpi te fëmijët e mi që më duan pa kushte. Ata janë të fiksuar pas meje dhe kjo më ka mësuar që ta marr jetën më lehtë. Mendoj: “Ok, këta njerëz të vegjël janë në shtëpi, më duan dhe mendojnë se jam personi më perfekt në botë”, shpjegoi Kylie.
Kylie Jenner është aktualisht në një lidhje me aktorin Timothée Chalamet dhe për fëmijët e saj bashkëprindëron me ish-in, Travis Scott.
Artikuj të sugjeruar:
- Ka zëra se Kylie Jenner është grindur me të ëmën për shkak të Timothée Chalamet
- Ç’ndodhi? Kylie Jenner shpërthen në lot pas komenteve në rrjet
- Kylie Jenner dhe Hailey Bieber aprovojnë trendin më të lezetshëm të thonjve
- Si ndikon përdorimi i Ozempic në shtatzëni?
- Çfarë është pija “oatzempic”, trendi viral për humbje peshe
- Trendi viral në TikTok për humbjen e peshës: Një vajzë tregon për Anabel mbi përvojën e rrezikshme
