Tre nga njerëzit më të fuqishëm dhe inteligjentë në botë bashkohen për të kërkuar jetë në planete të tjera.
Drejtuesi i Facebook, Mark Zuckerberg, sipërmarrësi rus Yuri Milner dhe fizikanti Stephen Hawking, kanë zbuluar për “Mail Online” se ata po synojnë që të marrin sinjale të qarta nga planeti Earth 2.0, i quajtur më parë Proxima b. Ky i fundit mendohet se ka kushtet e duhura që në të të rriten gjallesa dhe për më tepër është vetëm 4 vite dritë larg planetit tokë.
Trioja ambicioze ka investuar një shumë prej 100 milionë paundësh në projektin e njohur si “Të dëgjosh përtej”, projekt i cili do përdorë teleskopë më të fuqishëm për të kapur sinjalet jashtëtokësore.
Disa muaj më parë, shkencëtarët zbuluan se ylli më afër nesh, Proxima Centauri, në fakt është dhe dielli i një planeti të ngjashëm me tokën. Një zbulim i tillë u dha shkëncëtarëve një objektiv të qartë që e bën misionin më të realizueshëm. Ndonëse edhe më parë janë zbuluar planete të tjerë të ngjashëm, Proxima b është më afër se secili prej tyre.
Shumë shpejt do nisë vëzhgimi nga Observatori i Australisë, ndërkohë që besohet se brezat e dekadave të ardhshëm do kenë mundësinë të udhëtojnë drejt këtij planeti. Sipas treshes së fuqishme është e rëndësishme t’i gjejmë “ata” përpara se të na gjejnë.
