Tom Hanks dhe bashkëshortja e tij, Rita Wilson janë testuar dhe janë diagnostikuar me Covid-19.

Të dy aktorët ndodhen në Australi për fazat e para të produksionit të një filmi nga Warner Bros. mbi jetën e Elvis Presley-t. Hanks do të luajë menaxherin e aritstit, Colonel Tom Parker.

Tom dhe Rita e morën virusin nga një “anëtar i stafit që ishte diagnostikuar më parë." Në një deklaratë, Hanks shkruan:

“Përshëndetje njerëz. Unë dhe Rita jemi në Australi. Ndiheshim pak të lodhur, sikur ishim ftohur dhe na dhimbte trupi. Rita kishte ethe që i kalonin dhe ktheheshin. Edhe temperaturë. Për të bërë gjënë e duhur, u testuam për koronavirus dhe analizat rezultuan pozitive.

Po mirë. Çfarë të bëjmë tani? Mjekët kanë protokolle që duhene ndjekur. Ne do të testohemi, vëzhgohemi dhe izolohemi për sa kohë të jetë nevoja.

Do t’ju mbajmë të përditësuar. Kujdesuni për veten.”

Warner Bros po punon me agjencitë australoiane të shëndetit “për të identifikuar dhe kontaktuar të gjithë ata që mund të kenë pasur kontakt” me ata që mbartin virusin.

Studioja shtoi: “Shëndeti dhe siguria e stafit tonë është parësor. Po marrim masa që të mbrojmë gjithë ata që punojnë për ne në gjithë botën.”

Burimi: Cosmopolitan