Elita Rudi dhe Gjiko presin në çdo moment që bebushi i tyre të vijë. Edhe pse gjininë nuk e kanë zbuluar ende, në rubrikën “Ask me” në Instastory, Elita zbuloi pothuajse gjithçka rreth shtatzënisë dhe planeve pas lindjes së bebit.
"Sa kilogram ke shtuar?"
“Tani nga fundi i shtatzënisë nuk po guxoj as të peshohem, vetëm kur shkoj për kontrroll. Madje, herën e fundit më tha doktori mos ta teproj me ushqimin!”- përgjigjet ajo dhe me siguri të gjithë shtatzënat e tjera janë më të qeta tani...
"Kur do të lindësh", ishte një tjetër pyetje.
“Kur të më plasin ujërat! Edhe pak edhe pakkk...”
"Cili ishte reagimi i parë kur mësove se do të bëheshe nënë?"
“Shkova bleva edhe 47 teste të tjera nëpër farmaci të ndryshme.”- përgjigjet moderatorja, por duket se shtatzënia nuk paska qenë një incident për çiftin.
Elita dhe Gjiko prej kohësh prisnin vetëm që testi t’i rezultonte pozitiv!
E pyetur për herën e parë kur ka ndjerë lëvizjet e bebit, Rudi tregoi se nuk i kujtohet ekzaktësisht.
“Shumë herët, tani s’po më vjen tamam ndër mend. Edhe harresa është pjesë e shtatzënisë. Për energji do t’i ngjajë Asdrenit me siguri, sepse më mbyti duke më shkelmuar.”
Sigurisht, njerëzit kanë qenë kuriozë të dinë nëse pas ardhjes së bebushit Elita do ta mbajë vjehrrën në shtpëinë e re.
“Po, edhe nanën edhe mamin, të dyja nuk i lë të ikin në shtëpitë e tyre pa 1 muaj. Ashtu është plani, por mos trego.”-përgjigjet ajo.
Përveç gjithçkaje më lart, Elita zbuloi gjithashtu se ende nuk ka patur strija nga shtatzënia, më shumë neps ka për limon me akull dhe se mendon të kryejë lindje normale.
