Nuk ka si të mos ju vinë ndërmend këngët e para të Noizyt: “OTR me zemër”, “Jena Mbretër”, “Malet e Dibrës” apo “Histori e gjatë”, këngë këto që artisti i ka realizuar në bashkëpunim me producentin shqiptar GBMC të “ZIG ZAG RECORDS”.
Ky i fundit, në një lidhje direkte nga Londra për “KafeIN” në INTv foli ndër të tjera për marrëdhenien e tij me reperin e njohur.
“Doja të promovoja të gjithë shqiptarët që kishin qenë në Angli dhe të investoja për këta njerëz, t’i afroja që të mos bënin krime e kështu gjërash por të paktën tëbishin në aktivizim me muzikën. Aty u njoha me Noizy- n.”
I pyetur ekzaktësisht nga gazetari “Po më Noizyn ç’ndodhi” GBMC u përgjigj:
“E morëm nga stoli, e bëmë artist dhe na harroi, as nuk na përmendi në asnjë gjë. Filloi duke drejtuar gishtin nga Zoti sikur Zoti i bëri të gjitha.”
“Do pajtohesh apo jo, apo do ta ndajë gjyqi këtë punë?”
“Po presim të bëhet vetingu dhe sa të bëhet vetingu në gjyq do shkojnë të gjithë.” tha producenti i cili iu referuan reperit si bukëshkalë dhe mosmirënjohës.
Ai theksoi po ashtu se kishte bërë shumë për Noizyn, i kishte lënë çelsat e studios që bënte 200 mijë euro dhe se të drejtat e albumit të parë të artistit i përkisnin atij dhe për t’i mbrojtur këto të drejta mund ta çonte punën deri në gjyq.
