Kryeministri i Kosovës, Ramush Haradinaj, feston sot 50-vjetorin e tij dhe sigurisht nuk ka munguar as urimi i bashkëshortes, Anita Haradinaj. Përmes një postimi fillimisht në Insta Story, Anita e ka uruar plot humor partnerin e saj.
“Burri im ka mbushur 50 vite. Ka rënë për të fjetur se nuk donte ta merrte vesh. Ama unë qëndrova [zgjuar] për ta uruar dhe festuar se më pëlqen. Të uroj edhe shumë [vite] të lumtura”, shkruan ajo.
Megjithatë çifti Haradinaj sot ka 2 festa në një ditë. Përveç ditëlindjes, ata festojnë edhe 15-vjetorin e martesës, gjë për të cilën nuk mund të mungonte sigurisht edhe një urim tjetër, më i ëmbël kësaj here.
“Historitë tona vështirë se mund t’i kuptosh nëse nuk i ke provuar. Sot edhe mund ta kemi flakur romantizmin tutje, por kemi 15 vjet bashkë dhe sot festojmë dy festa, sot kur ne jemi më shumë se familje, më shumë se të dashur, më shumë se çift...sot jemi unë, ti dhe tre fëmijë!!! Sot, në mos asgjë, përfaqësojmë shumë dashuri brenda botës sonë të vogël me të mirat dhe të këqijat që dashuria ngërthen në vetvete!!! Gëzuar Ramush Haradinaj! Të duam shumë, Gjini, Hana, Trimi e unë më shumë. P.s: Vazhdoj mendoj ende që jam dhurata më e mirë që ke marrë ndonjëherë për ditëlindje! Përveç ditëlindjes, gëzuar edhe 15 vite martesë.”
