Millie Bobby Brown, aktorja e ‘Stranger Things’ është pyetur së fundmi për lidhjen e saj me Drake dhe interneti s’po di ç’të mendojë më parë. Gjatë daljes në tapetin e kuq, në ndarjen e çmimeve Emmy, 14-vjeçarja është shprehur për ‘Access Hollyëood’ se ‘e do atë’.
Pas kësaj, ajo ka nisur të tregojë për fillimin e shoqërisë me reperin 31-vjeçar.
“E takova në Australi dhe ishte kaq fantastik. Një shok i mirë dhe model për t’u ndjekur. Folëm me mesazhe me njëri tjetrin ditën tjetër dhe ai nisi menjëherë të më thoshte: ‘më ka marrë malli shumë’.”
Brown edhe më parë ka treguar se Drake i ka dhënë asaj këshilla të vlefshme për jetën, për djemtë dhe gjëra të tjera si këto.
“Ai më ndihmon. Po, po. Është i mrekullueshëm. E dua.”- është shprehur ajo.
Kaq u desh dhe njerëzit në rrjete sociale janë gati ‘të tmerruar’ nga ky fakt. Sipas tyre nuk është aspak normale që një burrë 2 herë më i madh në moshë se ajo, shkëmben mesazhe private dhe i jep këshilla rreth lidhjeve.
Shumë, e kanë quajtur sjelljen e tij ‘shqetësuese’, ‘problematike’ dhe ‘të neveritshme’.
“Është shumë e shëmtuar që Drake po shkëmben mesazhe me Millie Bobby Broën dhe kërkon të dalë me të për darka. Ajo është 14 ndërsa ai 30. Kjo është shqetësuese.”- shkruan dikush dhe reagime të tilla janë pafund.
