Besëtytnitë janë besime ose praktika që konsiderohen të paarsyeshme ose të mbinatyrshme nga jo-besimtarët. Ato i atribuohen fatit, magjisë, të mbinatyrshmes ose frikës nga e panjohura. Por për ata që besojnë, këto besëtytni merren seriozisht.
Një besëtytni që besohet gjerësisht në disa kultura lidhet me prerjen ethonjve gjatë natës, gjë që duhet shmangur me çdo kusht. Ju me siguri keni dëgjuar sesi gjyshet ju thonë se është "keq" të presësh thonjtë natën, por kjo nuk është vetëm një gjë shqiptarësh.
Në kulturën indiane
Në Indi, ata që praktikojnë hinduizëm kanë një besim të fortë se thonjtë dhe flokët nuk duhet të priten gjatë natës. Ky besim i atribuohet Lakshmit, perëndeshës hindu të pasurisë dhe fatit të mirë.
Thonjtë, veçanërisht thonjtë e këmbëve dhe flokët kanë shumë papastërti dhe baktere mbi dhe nën to. Teoria është se prerja e thonjve gjatë natës lë papastërti rreth shtëpisë.
Lakshmi vjen natën dhe indianët besojnë se prania e papastërtive në shtëpi do të shihet si një shenjë mosrespektimi, duke sjellë zemërimin e saj mbi ta. Të zemërosh Lakshmin rezulton në humbjen e parave të shtëpisë dhe në varfëri.
Në kulturën japoneze
Në Japoni, prerja e thonjve gjatë natës është gjithashtu e ndaluar. Sipas besëtytnive, nëse dikush e bën këtë veprim, ai do të vdesë përpara prindërve të tij.
