Pas një zënke në Twitter disa javë më parë, Taylor Sëift dhe Nicki Minaj i kanë dhënë fund sherrit të tyre në skenën e VMA. Dyshja e artisteve ka dhuruar një performancë të nxehtë në hapjen e ceremonisë së ndarjes së çmimeve pë videot më të mira të vitit.
Taylor dhe reperja 32-vjeçare patën një mosmarrëveshje në Twitter në muajin korrik. Nicki u ankua nëpërmjet një statusi, për shkak se humbi nominimin e çmimit “Video e Vitit” për klipin e saj “Anaconda”. “Nëse klipi yt ngre në piedestal femrat me trup tepër të dobët, atëherë nominohesh për videon e vitit,”ka shkuar ajo.
Taylor e kuptoi këtë si një thumbim ndaj video së saj “Bad Blood”, e cila dje fitoi çmimin “Video e vitit”, dhe i shkruajti reperes se gjithmonë e kishte dashur dhe mbështetur prandaj nuk e priste një gjë të tillë prej saj. Nicki nga ana tjetër iu përgjigj se nuk po i drejtohej aspak asaj dhe pas një debati prej disa orësh, Taylor i kërkoi falje duke u shprehur se ishte keqkuptuar.
Burimi: DailyMail.co.uk
Përshtati: Kristi Tashi
