Taylor Swift është kokë e këmbë e dashuruar me të dashurin e saj, Travis Kelce, të cilin e falenderoi publikisht, ndërsa merrte çmimin e saj në MTV Video Music Awards për videon e vitit për këngën “Fortnight”.
“Dëgjoja gjithnjë dikë që gëzonte për mua nga ana tjetër e studios, kur po xhironim videoklipin e “Fortnight”. Ai person ishte i dashuri im, Travis. Çdo gjë që ky burrë prek, kthehet në lumturi, argëtim dhe magji. Dua ta falenderoj që e shtoi diçka të tillë në xhirime, sepse do ta mbaj mend gjithmonë”.
Njerëzit menjëherë u shprehën të emocionuar për fjalimin dhe dedikimin e saj. “Ok, Taylor e tha në një moment kur e gjithë bota i ka sytë nga ajo. Goca ime ka rënë në dashuri”; “Sa fjalë të bukura, sa dashuri e pastër”; “Oh Zot, janë kaq të mirë!”; “Travis, je një djalë me fat”, ishin disa nga komentet e njerëzve në rrjetet sociale.
Taylor është artistja më e vlerësuar me çmimet VMA në histori. Ajo u nominua për 12 çmime në total, për këngën më të mirë, videon e vitit, regjinë më të mirë, bashkëpunimin, editimin, koreografinë, efektet vizuale, art direction dhe këngën e verës.
Ju me të drejtë do të pyesni se ku ishte Travis, por e kemi një përgjigje! Sipas një burimi për Page Six, ai ishte në Kansas për trajnim për ndeshjen e radhës.
Kelce dhe Swift janë të lidhur që prej verës së kaluar dhe marrëdhënia e tyre ka qenë publike qysh prej fillimit. Të dy duken të lumtur dhe të dashuruar me njëri-tjetrin, ndaj urojmë që albumi i radhës nga Tay të jetë për një dashuri të shëndetshme.
Artikuj të sugjeruar:
