Ditën e djeshme, këngëtari Sidrit Bejleri ka përlotur të gjithë Facebook-un përmes një statusi të ndjerë që ia dedikonte vajzës së tij të humbur.
10 vite më parë ai dhe bashkëshortja e tij u bënë për herë të parë prindër të një vajze të quajtur Sofi, e cila 19 muaj më vonë do të ndahej nga jeta, duke i lënë këngëtarit një dhimbje të madhe.
Në 10 vjetorin e saj, Sidriti ka ndarë me të gjithë miqtë një foto të vogëlushes në përshkrimin e të cilës thuhej:
“Kjo është Sofi Sidrit Bejleri. Them është sepse do vazhdojë të jetë për mua, deri ditën që do mbyll sytë dhe do e takoj andej, dashtë Zoti!
Sot do mbushte 10 vjeçe, por Zoti me plotfuqinë e tij e mori, ashtu dhe siç na e dha...
Dikush mund të thotë, po ky pse na tregon dhimbjen e tij? Nuk e postova për këtë, por desha të krenohem me dhuratën që na e dha Zoti për 19 muaj dhe njëkohësisht t'ju tërheq vëmendjen se kushdo dhe kurdo mund të sprovohet, me të afërmit e tij... Askush nuk është i përjetshëm në këtë jetë.Të Zotit jemi dhe tek Ai kthehemi. Qofsh lule e Xhenetit Sofia jeme!”
Të pafundme kanë qenë komentet nga të njohur e të panjohur të cilët i shprehën ngushëllimet dhe iu bashkuan dhimbjes së këngëtarit. Madje kishte nga ata, që duke marrë shkas nga postimi i tij, kujtuan historitë e tyre, të ngjashme me të tijën. Shkrimi dedikuar vajzës, është shpërndarë rreth 200 herë në rrjetet sociale brenda pak orësh.
Aktualisht, Bejleri dhe bashkëshortja e tij janë prej kohësh prindër të 2 fëmijëve të tjerë.
