Jessica Alba duket se e ka lënë pas divorcin me Cash Warren dhe po shijon një romancë të re me aktorin Danny Ramirez.
Të dy u fotografuan në Los Angeles duke shkëmbyer puthje përpara shtëpisë së tij, të veshur me rroba sportive dhe me kapele në kokë. Pamjet duket sikur janë shkëputur nga një film romantik: përqafime, buzëqeshje dhe një puthje e fundit përpara ndarjes.
Jessica shihej gjithashtu duke mbajtur një orkide të madhe, duke ndihmuar partnerin e ri në mënyrë krejt të natyrshme në arredimin e shtëpisë, një detaj që flet shumë për nivelin e afërsisë mes tyre.
Thashethemet për romancë nisën javën e kaluar, kur ata u panë së bashku në aeroportin e Cancun-it, ndërsa më vonë u fotografuan në dalje romantike në West Hollywood, ku Jessica nuk i fshehu aspak emocionet.
Kjo është lidhja e parë që ajo e bën publike pas ndarjes me partnerin e saj prej 16 vitesh. Ajo dhe Cash Warren kanë tre fëmijë së bashku dhe ndarja u përshkrua si miqësore dhe me shumë respekt.
Duket se për momentin, Jessica po shijon një fazë të re të jetës së saj me qetësi dhe pa shumë bujë mediatike.
Burimi: TMZ
