Jessica Alba duket se ka rigjetur dashurinë! Pas divorcit para 5 muajsh, aktorja u pa duke u puthur me një burrë misterioz në Londër, në parkun “Regents”. Jessica, fillimisht, u përpoq t’u fshihej paparacëve, por më pas bëri paqe me faktin që është e famshme dhe fotografët thjesht nuk do e linin rehat.
Gjestet romantike, puthjet që panë dëshmitarët okularë dhe momentet mes dyshes ndezën zërat për një romancë të re mes aktores dhe burrit misterioz, i cili ishte veshur thjesht, me një bluzë me kapuç, tuta të shkurtra dhe kapele të bardhë.
Një dëshmitar tha për “The Sun” se aktorja dhe burri i panjohur dukeshin shumë të afërt.
“Ata po përqafoheshin dhe u kapën për dore teksa ecnin bashkë në park. Më pas, morën ca karrige dhe po qëndronin ulur duke u puthur. Dukej sikur sapo ishin lidhur”, u shpreh burimi anonim.
Jessica Alba, 44 vjeç u divorcua nga ish-burri i saj, Cash Warren në janar të këtij viti, pas 16 vitesh martesë. Ndarja e tyre bëri shumë bujë, pasi konsideroheshin si një prej çifteve të vjetra të Hollywood-it. Ata, përmes një deklarate emocionale, ndanë lajmin në Instagram, duke treguar se kishin nisur një kapitull të ri dhe se gjithsesi, do të kenë dashuri, mirësi dhe respekt për njëri-tjetrin.
“Do të jemi gjithnjë një familje. Fëmijët mbeten prioriteti ynë më e madhe”, thuhej në deklaratën e publikuar.
Aktorja dhe Cash Warren janë prindër të tre fëmijëve: Honor, 16 vjeç; Haven, 13 vjeç dhe Hayes, 7 vjeç.
Artikuj të sugjeruar:
