Mary-Kate dhe Ashley Olsen janë aq të private, sa kanë frymëzuar edhe një ekspozitë që i dedikohej atyre duke iu fshehur fotografëve. Por duket tashmë se motrat e famshme janë gati të rikthehen në vëmendjen e publikut. Binjaket Olsen më në fund i janë bashkuar komunitetit të Instagram-it duke marrë të paktën për nëj ditë në kontroll, profilin e Instagram-it të kompanisë “Sephora”.
29-vjeçaret, të cilat ende nuk kanë profile të tyre personale, kanë publikuar aty selfie-n e tyre të parë dhe kanë treguar momente nga jeta e tyre si stiliste. “Ngrihuni dhe shkëlqeni. Selfie e parë publike,” kanë shkruar ato në diçiturën e fotos që ishte dhe postimi i tyre i parë. Binjaket momentalisht i janë përkushtuar promovimit të markës së tyre të veshjeve Elizabeth and James.
Burimi: Daily Mail/ Përshtati: Kristi Tashi
