Mbrëmjen e djeshme, rreth orës 23 këngëtarja kolumbiane Shakira, ka sjellë në jetë djalin e saj të dytë me futbollistin Gerard Pique. I porsalinduri, për të cilin thonë se mban emrin Sacha, lindi në Barcelonë, në spitalin Quiron Teknon, ku këngëtarja solli në jetë edhe djalin e saj të parë Milan, dy vite më parë. Prindërit pritet të dalin në një deklaratë për mediat ditën e sotme për të konfirmuar gjithashtu edhe emrin e vogëlushit. Ndër të parët që ka uruar çiftin, ka qenë futbollisti Lionel Messi me një postim në Twitter. Shakira dhe Pique kanë një lidhje katër vjeçare dhe janë njohur për herë të parë në vitin 2010, kur futbollisti u bë pjesë e videoklipit të saj “Waka Waka”.
Burimi: Mirror
