Rudina Magjistari nuk ka dëshirë ta nxjerrë Mian publikisht. Por kjo me siguri s’qe aspak problem dje, kur me veshjen dhe kasketën e skiatores, babai Xhavit po e mësonte të rrëshkiste mbi akull.
Rudina, partneri Xhavit Bajrami dhe Mia shkuan për disa ditë pushimi malor në Engelberg, Zvicër.
Brenda një dite, Mia mundi të qëndronte pa frikë mbi patina dhe Rudina ulërinte nga gëzimi i mamasë krenare.
Në videot që publikoi sot në Instagram, dëgjohen kaq shumë:
“Bravo, zemra e mamit!”
Mia është 2 vjeçe; Magjistari u bë mama për herë të parë në tetor të 2015-ës. Që atëherë, disa herë e ka shprehur se jeta e saj ka ndryshuar shumë. Sa herë në emisionin e saj të pasdites bisedohet për fëmijët, ajo nuk heziton të tregojë se janë një mrekulli që e kupton vetëm kur bëhesh vetë prind.
Duke folur për faktin se s’e ka nxjerrë asnjëherë fytyrën e të voglës, Rudina Magjistari e shpjegoi duke thënë se do që ajo ta zgjedhë vetë kur të rritet nëse do apo jo të bëhet e famshme.
