Disa ditë më parë, Luana Vjollca ishte e ftuar në emisionin “M’fal për shprehjen”, ku ndër të tjera, tregoi edhe detaje nga fëmijëria e saj. Në një rrëfim plot humor, ajo u shpreh se kur ishte e vogël, ishte goxha larg nga imazhi që ka sot, duke qenë se ishte një djalë i vërtetë.
“Kam qenë shumë e shëndoshë dhe shumë e shkurtër. Kur kam qenë 6-7 vjeçe, i mbaja flokët si çun, ose më saktë mi mbante mami si çun.”- tregoi ajo dhe shtoi se prindërit donin shumë që ajo të ishte djalë, përpara se të lindte.
“Më donin çun patjetër dhe emrin do ta kisha Luan. Por, vetëm seopse dola gocë, ma vunë Luana.”- rrëfeu prezantuesja e “Pa limit”, duke sqaruar më tej se emrin e ka marrë nga xhaxhai i saj, që quhej Luan.
