Dy rastet e para me Covid-19 në Shqipëri u shënuan më 9 mars, mirëpo nisur nga provat e fundit në Francë, ku thuhet se për herë të parë koronavirusi qarkulloi në Francë më 27 dhjetor (2 muaj para se të deklaroheshin të infektuarit e parë), ka vendosur në pikëpyetje se kur ka qarkulluar vërtet për herë të parë koronavirusi në Shqipëri?

“Unë sot kam lexuar edhe një opinion të OBSH-së në lidhje me këto raste. Ky është një diskutim që duhet të bëhet midis ekspertësh në fund të kësaj epidemie. Diskutimi mediatik nuk mendoj se sjell ndonjë rezultat. Virusi në vendin tonë ka qarkulluar në fund të muajit shkurt, unë këtë e mbështes në një analizë, duke parë përhapjen në rajon, por dhe në aspektin klinik,” u shpreh epidemiologu Pëllumb Pipero në një intervistë sot në mbrëmje në “Open” në Top Channel.

Në fund të prillit, Saimir Kodra tha se nga testi i anti-korpeve rezultoi se “e ka kaluar koronavirusin që në janar”. Po kështu, referuar një diskutimi të hapur në @anabel_media në Instagram, të shumtë qenë njerëzit që u shprehën se “mund ta kenë kaluar Covid-19 në janar dhe shkurt”. Po ju çfarë mendimi keni? (Votoni në vijim)