Ukraina dhe Rusia shkëmbejnë 314 të burgosur lufte pas bisedimeve në Abu Dhabi
Ukraina dhe Rusia shkëmbyen 314 robër lufte (157 nga secila palë) pas dy ditësh bisedimesh në Abu Dhabi, të ndërmjetësuara nga SHBA.
Presidenti Zelenskyy konfirmoi se mes të liruarve kishte edhe civilë ukrainas, shumica të mbajtur në robëri që nga viti 2022.
Ndërkohë, mediat pranë Kremlinit raportuan se Rusia kërkon kontroll të plotë mbi Donetskun dhe Luhanskun, si dhe njohjen zyrtare të Donbasit si territor rus.
SHBA ofron 6 milionë dollarë ndihmë për Kubën, ndërsa presidenti Díaz-Canel e akuzon për “bllokadë energjetike”
SHBA njoftoi një ndihmë shtesë prej 6 milionë dollarësh për Kubën, kryesisht për zonat lindore të goditura nga uragani Melissa, duke dërguar ushqime dhe pajisje në shërbim të tyre .
Ndërkohë, presidenti kuban Miguel Díaz-Canel akuzoi Washington-in për vendosjen e një “bllokade energjetike”, pas kërcënimeve të Trump-it për tarifa ndaj vendeve që furnizojnë Kubën me naftë.
Zyrtarët amerikanë thanë se kriza nuk lidhet me mungesën e naftës nga Venezuela, por me keqmenaxhimin e qeverisë kubane dhe kërkuan që Havana të pranojë negociatat me SHBA.
Mbretëresha holandeze Máxima fillon stërvitjet për t’u bërë pjesë e forcave të armatosura në moshën 54-vjeçare
Mbretëresha holandeze Máxima, ka nisur këtë javë stërvitjen për t’u bërë pjesë e ushtrisë së Holandës, me qëllim që të inkurajojë edhe përfshirjen e qytetarëve.
Ministria e Mbrojtjes tha se vendimi lidhet me faktin se siguria e vendit nuk mund të merret më e mirëqenë, ndërsa qeveria e re synon të zgjerojë ushtrinë nga 80 mijë në 122 mijë efektivë.
Pas përfundimit të trajnimit, Máxima pritet të marrë gradën nënkolonele dhe të angazhohet aty ku do të jetë e nevojshme.
Një Italian hetohet pasi pretendohet se ka paguar për të qëlluar njerëz gjatë rrethimit të Sarajevës
Një italian 80-vjeçar po hetohet nga prokurorët në Milano pasi dyshohet se pagoi ushtarë boshnjakë-serbë për të qëlluar qytetarë gjatë rrethimit katërvjeçar të Sarajevës në vitet 1990.
Italianë dhe shtetas të tjerë të huaj dyshohet se paguan ushtarë të Radovan Karaxhiç-it për t’i çuar në kodrat përreth Sarajevës, ku qëllonin me snajper civilët për argëtim.
Hetimi nisi pas denoncimeve dhe dokumentarit “Sarajevo Safari”, ndërsa rastet më të njohura të vrasjeve nga snajperët përfshijnë çiftin Bosco Brkic dhe Admira Ismic, të cilët u vranë në 1993 dhe u bënë simbol i çnjerëzimit të luftës.
