Televizioni shtetëror italian “RAI” ëhstë vënë në qendër të kritikave pasi gjatë së mërkurës, ka transmetuar një intervistë me djalin e kreut më famëkeq të organizatës mafioze, Cosa Nostra. Giuseppe Salvatore Riina, ishte i ftuar në emisionin “Porta a Porta” të gazetarit veteran Bruno Vespa, për të folur për një libër që ai i ka dedikuar babait të tij, Toto Riina.
“E dua babain tim dhe familjen time dhe pavarësisht të gjërave që i janë atribuuar, gjykoj atë që më kanë dhënë: të mirat dhe respektin. Nëse sot jam ky që jam, i detyrohem prindërve të mi,” ka thënë 38-vjeçari për babain e tij, i cili mendohet ët ketë urdhëruar vrasjen e më shumë se 150 personave, teksa drejtonte organizatën kriminale.
Drejtuesit e televizionit janë thirrur në nga Komiteti Parlamentar Anti-Mafia për një mbledhje urgjente. Gjatë intervistës, Riina ka refuzuar të pranojë ekszistëncën e mafias. “Nuk e kam pyetur kurrë veten, nuk e di çfarë është. Sot mafia mund të jetë gjithçka dhe asgjë,” ka thënë ai.
I pyetur për vrasjet e gjykatsve Giovanni Falcone dhe Paolo Borsellino, Riina është shprehur: "Unë kam gjithmonë respekt për të vdekurit. Për të gjithë të vdekurit. Unë nuk i gjykoj Falcone-n dhe Borsellino-n, sepse çfarëdo që të them, do të përdoret."
Intervista me Riina-n ka shkaktuar reagimin edhe të të afërmve të viktimave, të cilët kanë dënuar transmetimin e saj duke e cilësuar atë një "hapje plagësh".
Burimi: BBC/ Përshtati: Kristi Tashi
