Në transmetimin e një programi këtë të enjte, gazetarja Gayle King i drejtoi FKA Twigs, e cila ka folur haptazi për lidhjen abuzive me Shia La Beouf, këtë pyetje:
“Askush që ka qenë në pozitat e tua nuk e pëlqen këtë pyetje dhe unë shpesh pyes veten a është e përshtatshme dhe ju e dini se pyetja është: Pse nuk u larguat?”
Muzikantja iu përgjigj:
“Mendoj se duhet të ndalojmë së bëri këtë pyetje. Unë do të mbaj qëndrim dhe do të them se nuk do t’i përgjigjem kësaj pyetjeje, më shumë sepse pyetja duhet t’i drejtohet keqtrajtuesit: “Pse po mbani peng dikë?”
FKA vazhdoi duke shpjeguar:
“Njerëzit thonë: ‘Jo, s’mund të ketë qenë kaq keq, përndryshe do e kishte lënë’, por jo, ishte aq keq, sa nuk mund të largohesha.”
E vërteta është se njerëzit në marrëdhënie abuzive nuk janë gjithmonë/zakonisht të lirë të largohen thjesht se gjërat bëhen keq. Në përgjithësi, një kombinim i faktorëve psikologjikë dhe praktikë luajnë një rol në mbajtjen e dikujt të bllokuar me abuzuesin e tyre. Viktimat e abuzimit mund të jenë të varura financiarisht nga partneri i tyre abuziv, ose ata mund të jenë izoluar aq shumë nga miqtë dhe familja, sa nuk ndjejnë se kanë një vend të sigurt për t’u kthyer.
Për më tepër, i gjithë abuzimi emocional dhe psikologjik funksionon që këta njerëz të mos mendojnë se mund ta lënë marrëdhënien.
FKA Twigs thotë se një nga keqkuptimet më të mëdha është edhe: “Ti je e zgjuar. Nëse ishte aq keq, pse s’ike?” Ajo pranon se të qenit financiarisht e pavarur dhe të paturit njerëz që i qëndruan pranë e ndihmoi, por kjo s’do të thotë se ajo s’do ia dilte edhe pa këto të dyja. Megjithatë, Twigs pranon se ishte e frikësuar për jetën e saj për një kohë shumë të gjatë, edhe pas shkëputjes.
Askush nuk dëshiron të jetë “gruaja që abuzohet”, “gruaja që qëndron në një lidhje të pashëndetshme”, por duke i drejtuar pyetjen “Pse nuk ike?”, ju i jepni viktimës rolin e dikujt “që pranon e vetëdijshme të dhunohet”. Ju e keni quajtur atë “të dobët”. Prandaj, është mirë ta evitoni si pyetje sepse është pyetja e gabuar.
Burimi: In Style
