Siç e kemi bërë të ditur më parë, Elvana Gjata ishte pjesë e albumit të producentit dhe bashkëpunëtorit të saj, Poo Bear, në të cilin marrin pjesë emra të rëndësishëm të muzikës ndërkombëtare: Jennifer Lopez, Justin Bieber, J Balvin, Zara Larsson, Ty Dolla $ign e plot artistë të tjerë. Në projektin e quajtur Poo Bear Presents: Bearthday Music, bashkëpunimi i Poo Bear me Elvanën mban emrin “Shade”.
Kënga është publikuar në kanalin e YouTube-it të producentit dhe për momentin është një projekt pa videoklip, por vetëm me audio si gjithë këngët e tjera.
Bashkëpunimi i fundit i dyshes së njohur është pritur mirë bazuar në komentet pozitive në YouTube.
Projektin e zbuloi vetë këngëtarja pak kohë më parë, ku përmes një postimi në Instagram u shpreh kështu:
“Kisha kaq shumë kohë që e mbaja për vete, sa isha gati të shpertheja! S’mund të isha më e lumtur dhe më e bekuar që jam pjesë e albumit tënd unik! Faleminderit për gjithë muzikën që më dhe, e për gjithë ç’ke bërë për mua. Urime Poo Bear.”
Albumin e plotë të producentit amerikan e gjeni duke klikuar këtu.
