Kënga e fundit e Capital T “Je t’aime”, publikuar dje me rastin e Shën Valentinit, për disa njerëz është e kopjuar dhe duhet thënë se ngjashmëria është e dukshme. Ndryshe nga çfarë ndodh zakonisht, ndjekësit nuk përmendën një, por plot tre emra.
Disa thonë se kënga e Capital T është copy paste e “Billie Jean” e Prznt (17 janar, 2020), disa thonë se ka kopjuar këngën “Parfumi” të Doksit (23 shkurt, 2019), ndërsa të tjerë e krahasojnë me “DSquared” nga T Mulla (29 prill, 2018).
Krahasimi i këngëve:
View this post on Instagram
Anabel.al iu drejtua reperit, i cili u shpreh:
“Quhen samples, që mund t’i blejnë të drejtën disa producentë dhe t’i përdorin. Kanë të drejtën të gjithë ta bëjnë. S’ka të bëjë me vjedhje. Ka katër këngë që e kanë. Por të gjithë kanë të drejtën e përdorimit dhe njerëzit mund të dëgjojnë cilëndo që u pëlqen. Unë tani nga lista juaj i pashë këto këngë, s’i kam dëgjuar asnjëherë.”
Shën.red. Në muzikë, samples (mostra) – ripërdorimi i një pjese në këngë të ndryshme. Samples mund të ngadalësohen, shpejtohen, ripërpunohen ose ndryshohen.
