Një postim në Twitter nga gazetari britanik Piers Morgan shkruante se Andrew Tate është qëlluar për vdekje në Dubai këtë të hënë.
Llogaria e 57-vjeçarit u hackua, prandaj një mori postimesh të dyshimta në rrjete sociale, nuk kanë qenë në fakt prej tij.
Krahas statusit për Tate, postime të tjera përfshinin ofendime për këngëtarin e pop-it, Ed Sheeran, madje edhe për të ndjerën, mbretëreshën Elizabeth II.
Tate, 36 vjeç, iu bashkua listës së njerëzve të "vrarë" nga hackuesi, i cili me sa duket është ndalur sepse shumë prej postimeve në Twitter nuk shfaqen më.
Ylli i rrjeteve sociale iu përgjigj lajmit që u bë shumë shpejt viral me një postim:
“Vështirë të vritem!”
Tate ka paralajmëruar shumë herë më parë se "agjentët e Matrix" do ta vrasin, duke thënë se ai nuk do të bënte kurrë vetëvrasje, duke nënkuptuar se nëse “një ditë vrasja e tij do duket si vetëvrasje, atëherë është e inskenuar nga ata që do ta vrisnin në të vërtetë”.
Për ju që s'e njihni ende, kush është Andrew Tate?
Tate është një ish-kampion kickbox-i, i cili mori një famë të vrullshme në rrjetet sociale, veçanërisht në TikTok. Pak kohë pasi u bë viral, platformat sociale vendosën ta ndalonin sepse deklaratat e tij u cilësuan si fyese për gratë.
Kur Elon Musk bleu Twitter-in, llogaria e tij u riaktivizua.
Burimi: Marca
