Ky artikull nuk është ashtu siç duket. Jemi këtu sot për të folur në lidhje me konceptet e gabuara që njerëzit, kryesisht vajzat, krijojnë për personazhet e njohur. “A mund të bëni një status në lidhje me këtë fenomenin. Se jam një ndër shumë femra që ndihemi keq prej kësaj viroze photoshop-i,” shkroi një vajzë në Instagramin e @anabel_hostel.
Siç mund ta shihni, ajo bën një krahasim të fotove të Oriola Marashit në Instagram dhe një tjetre shkëputur nga sfilata e modeles në Class Fashion Show.
Le të shërbejë ky artikull për të kuptuar se:
1. Oriola, si të gjithë të tjerët, si të gjithë ne, poston në Instagram fotot ku duket më mirë. Fundja është modele, çka do të thotë se imazhi i saj duhet të jetë i kuruar.
2. Oriola, si të gjithë të tjerët, si të gjithë ne, ndodh që edhe i editon fotot. Por nuk është e thënë që sa herë personazhet e njohur nuk duken njësoj si në foto, të kenë përdorur photoshop.
Thënë këto për të theksuar se ndikon edhe këndi i fotografive, drita, ngjyrat etj.
Për hir të së vërtetës, ja sfilata e Oriolës shkëputur nga një tjetër video.
Njerëzit jo domosdoshmërisht përdorin photoshop për të pozuar këndshëm. Ndonjëherë mjaftojnë disa hile të vockla; për shembull modelja përgjithësisht ngrihet në majë të gishtave dhe rrjedhimisht vithet duken më të kërcyera.
Po kështu:
- Blake Lively ngre majën e gjuhës drejt qiellzës për të shmangur “gushën e dyfishtë”.
- Nicole Kidman tendos muskujt e qafës në mënyrë që prerjet e fytyrës t’i duken sa më mirë.
- Monica Bellucci ngre kokën duke reflektuar një pamje natyrale.
- Taylor Swift kafshon pak faqet për të theksuar mollëzat.
- Megan Fox nxjerr gjuhën për t’u dukur më seksi.
- Julia Roberts buzëqesh dhe zmadhon sytë, me qëllim shmangien e rrudhave.
- Jennifer Lawrence ngre vetullat dhe e fokuson shikimin diku tej.
- Mila Kunis i mbyll disi sytë për t’u dukur sa më sensuale.
- Charlize Theron lëshon frymë përmes gojës duke i treguar buzët dhe faqet më të plota.
- Meghan Markle përkul kokën për të qenë sa më pranë audiencës.
- Sandra Bullock ngre shpatullat për të treguar linja sa më të mira trupore.
Shtojmë edhe vajzat e njohura shqiptare, si Armina Mevlani, Lori Hoxha, Megi Pojani, Luana Vjollca, Beatrix Ramosaj, Era Istrefi etj., të cilat pozojnë gjithnjë me njërën këmbë më përpara se tjetra.
