George dhe Amal Clooney u treguan bujarë dhe ftuan Princ Harry-n dhe Meghan Markle të kalonin një javë në liqenin Como në Itali. Duka dhe Dukesha pranuan sigurisht, sipas US Weekly. Dyshja qëndroi në Itali nga e enjtja deri të dielën në vilën e Clooney-ve. “Clooney-t i ftuan personalisht Harry-n dhe Meghanin që në fillim të verës,” tha një burim. “Harry dhe George ndajnë një miqësi të veçantë.”
Çifti “shijoi privatësinë dhe sigurinë në vilën e Clooney-ve gjatë qëndrimit atje,” shtoi burimi. Për më tepër, George organizoi një mbrëmje gala për të sapomartuarit.
Para se të niseshin drejt Italisë, Meghan dhe Harry e kaluan shumicën e verës në shtëpinë e tyre në Oxfordshire. Meghan udhëtoi e vetme drejt Torontos këtë të dielë dhe do të kthehet në Mbretërinë e Bashkuar të mërkurën për të ndjekur një performancë gala të Hamilton.
George dhe Amal ishin të ftuar në dasmën mbretërore të çiftit. Thuhet se Amal është kthyer në një mike të mirë të Meghan. “Meghan dhe Amal njihen prej pak kohësh dhe ndajnë goxha interesa bashkë,” tha një burim për People në fund të majit. “Amal ka ndihmuar Meghan-in që të përshtatet më lehtësisht me jetën në Londër. Miqësia mes tyre lindi natyrshëm, që prej fillimit.”
